Moskvada 24-noyabr, yakshanba kuni kurak va lomlar bilan qurollangan o‘nlab ishchilar o‘rtasida ommaviy janjal sodir bo‘ldi, deb yozmoqda “TASS”.
Qayd etilishicha, janjal shahar markazidagi Yefremova ko‘chasida O‘zbekiston va Qirg‘izistondan kelgan ishchilar o‘rtasida yuz bergan. Ularga nisbatan mayda bezorilik bo‘yicha ma’muriy bayonnoma tuzilgan.
Voqea oqibatida jabrlangan bor, ammo hech kim jiddiy jarohat olmagan, deb qayd etgan “Vesti.ru”.
“Ren.tv”ning yozishicha, mojarodan biroz avval qarama-qarshi tomonlar futbol o‘ynagan. Uchrashuv paytida ishchilardan biri o‘yin qoidasini qo‘pol ravishda buzgan. Jamoalar keyinroq uchrashib shu vaziyatni “gaplashib olish”ga qaror qilgan.
Izoh (0)