Rossiyadagi tug‘ruqxonalardan biriga to‘lg‘oq tutib olib kelingan o‘zbekistonlik yosh ayol firibgarlikda ayblanib, qidiruvga berilgani ma’lum bo‘ldi, deb yozadi “Fontanka.ru”.

Foto: “Fontanka.ru”

27 yoshli ayol Malaya Balkanskaya ko‘chasida joylashgan 16-sonli tug‘ruqxonaga to‘lg‘oq tutayotganida olib kelingan. U Pulkovskaya ko‘chasida ijarada yashagan.

Tug‘ruqxona xodimlari xorijlik ayol ro‘yxatga olingani haqida politsiyaga xabar bergan.

Ma’lum bo‘lishicha, farzandini dunyoga keltirgan ayol 2018-yilning 22-dekabridan buyon O‘zbekiston Ichki ishlar vazirligi tomonidan qidiruvda bo‘lgan.

U yirik hajmdagi firibgarlikni sodir etganlikda ayblanmoqda.

Ayolga tug‘ruqxonadan ruxsat berilishi bilan  politsiya tomonidan olib ketilishi aytildi.