Rossiyadagi A.S.Pushkin nomidagi rus tili davlat instituti OAVda yil davomida eng ko‘p ishlatilgan “yong‘in” va “norozilik” ni 2019-yil so‘zlari deb topdi. Bu haqda Meduza xabar berdi.
Ushbu so‘zlarning qo‘llanilishi oxirgi uch yildagiga nisbatan 2019-yilda ko‘proq kuzatilgan. “Yong‘in” o‘tgan uch yildagiga qaraganda besh baravar, “norozilik” esa uch baravar ko‘p ishlatilgan.
Shuningdek, rus tili instituti ommaviy so‘zlardan “suveren internet”ni alohida ajratib ko‘rsatdi.
“Ishonch bilan rus tilida yangi fikr ifodalovchi va Rossiyadagi bugungi hayot haqiqatini xorijliklar uchun ham tushuntirib bera oladigan so‘z birikmasi paydo bo‘ldi deya olamiz”, — deydi “Yil so‘zi” loyihasi ilmiy rahbari Mixail Osadchiy.
“Olov”, ya’ni “yong‘in” so‘zining ko‘p ishlatilganligi bevosita Notr Dam de Parij ibodatxonasidagi yong‘in va Sibir o‘rmonlarining yonishi bilan bog‘liq. “Norozilik” so‘zining trendda bo‘lganiga esa Parij, Gongkong, Moskva va boshqa shaharlardagi namoyishlar sabab bo‘lgan”, — deydi olim.
Avval Collins ingliz tili lug‘ati mualliflari “iqlim zarbasi” so‘z birikmasini 2019-yil so‘zi deb e’lon qilgandi.
Izoh (0)