Futbol bo‘yicha Yevropa Chempionlar Ligasi 4-turi doirasida 5-noyabr, seshanba kuni to‘rtta guruhda uchrashuvlar bo‘lib o‘tdi.
“F” guruhi favoriti “Barselona” o‘z maydonida Praganing “Slaviya”sini qabul qilib, 0:0 hisobida nursiz durang qayd etdi. Guruhning ikkinchi to‘qnashuvi esa Dortmundda “Borussiya” hamda “Inter” o‘rtasida kechdi. Milanliklar 5 hamda 40-daqiqada Lautaro Martines va Matias Vesinoning gollar evaziga birinchi bo‘limni o‘z foydalariga hal etdi. Ikkinchi bo‘limda esa dortmundliklar safida Ashraf Hakimi dubl qayd etdi, Yulian Brandt esa o‘z hisobiga bitta gol yozdirib qo‘ydi. Shu tariqa “Borussiya” o‘z maydonida kambekni amalga oshirgan holda g‘alaba qozondi.
“H” guruhi favoritlari Londonda kuch sinashdi. Unda “Chelsi” “Ayaks”ni qabul qildi. Uchrashuvning 2-daqiqasida Temmi Abraham avtogol sohibiga aylangan holda “Ayaks”ni hisobda oldinga olib chiqdi. Oradan ikki daqiqa o‘tib, Jorjinyo penaltidan gol urib, hisobni tenglashtirdi. 20-daqiqada Kuinsi Promes amsterdamliklarni yana hisobda oldinga o‘tib olishini ta’minladi. 35-daqiqada bo‘lsa, Hakim Ziyoshning qoyilmaqom zarbasi Kepa tekkan holda “Chelsi” darvozasidan o‘rin oldi. Ikkinchi bo‘lim yanada kurash va gollarga boy bo‘ldi. 55-daqiqada Donni van de Bek “Ayaks”ning o‘yindagi to‘rtinchi goliga mualliflik qildi. Shundan so‘ng Sesar Aspilikueta, Jorjinyo va Jeyms uchta gol urib, “Chelsi”ni mag‘lubiyatdan qutarib qoldi. Qayd etish joiz, “Ayaks” bir daqiqa ichida ikki nafar futbolchisidan ayrildi. Hakam Blind va Veltmanni qizil kartochka bilan siyladi, natijada mehmonlar o‘yinni ikki kishi kam bo‘lib yakunladi.
YChL
4-tur
5-noyabr, seshanba
“E” guruhi
“Napoli”—“Zalsburg” 1:1
Gollar: 0:1 – 11, penalti Holand, 1:1 – 43 Losano.“Liverpul”—“Genk” 2:1
Gollar: 1:0 – 14 Veynaldum, 1:1 – 40 Samatta, 2:1 – 53 Oksleyd-Chemberlen.“F” guruhi
“Barselona”—“Slaviya” 0:0
“Borussiya D”—“Inter” 3:2
Gollar: 0:1 – 5 Martines, 0:2 – 40 Vesino, 1:2 – 51 Hakimi, 2:2 – 64 Brandt, 3:2 – 77 Hakimi.“G” guruhi
“Zenit”—“Leypsig” 0:2
Gollar: 0:1 – 45 Demme, 0:2 – 63 Zabitser.“Lion”—“Benfika” 3:1
Gollar: 1:0 – 4 Andersen, 2:0 – 33 Depay, 2:1 – 76 Seferovich, 3:1 – 89 Traore.“H” guruhi
“Chelsi”—“Ayaks” 4:4
Gollar: 0:1 – 2, avtogol Abraham, 1:1 – 4, penalti Jorjinyo, 1:2 – 20 Promes, 1:3 – 35, avtogol Arrisabalaga, 1:4 – 55 van de Bek, 2:4 – 63 Aspilikueta, 3:4 – 71, penalti Jorjinyo, 4:4 – 74 Jeyms.Chetlatishlar: Blind (68), Veltman (69)
Izoh (0)