Tez kunlarda Toshkent teleminorasiga shaxsni tasdiqlovchi hujjat bilan kirish tartibi bekor qilinishi rejalashtirilmoqda, deb xabar berdi Toshkent shahar hokimligi matbuot xizmati.
Toshkent teleminorasi balandligi bo‘yicha jahonning 200 dan ortiq minoralari orasida 11-o‘rinni egallaydi.
Teleko‘rsatuvlar ko‘lamining kengayishi munosabati bilan kuchli radio-televizion uzatish stansiyasi qurilishiga ehtiyoj paydo bo‘lganligi sababli Bo‘zsuv kanalining o‘ng sohilida 1978—%1985-yillarda mazkur inshoot bunyod etilgan.
Toshkent teleminorasi 3 ta konussimon tirgakka o‘rnatilgan. Undan Butunjahon buyuk minoralar federatsiyasiga bag‘ishlangan muzey, “Koinot” restoranining “Alvon” va “Moviy” zallari, kuzatuv maydonchalari o‘rin olgan.
“Ma’lumki, Toshkent teleminorasi strategik ahamiyatga ega obyekt hisoblanadi. Shu bois hozirda bu yerga shaxsni tasdiqlovchi hujjat orqali kiritiladi. Boshqa hollarda esa teleminora go‘zalligini faqat tashqaridan kuzatish mumkin”, — deyiladi xabarda.
Izoh (0)