Jizzax shahar Olmazor MFY “Navro‘z” ko‘chasida istiqomat qiluvchi fuqaro N.Yo. 2019-yil 27-sentabr kuni Bosh prokuratura ishonch telefoniga murojaat qildi, deb xabar berdi “Xalq so‘zi Online”.
U o‘z murojaatida Jizzax shahridagi “As-servis “MChJga qarashli avtosalondan Gentra rusumli avtomashinani 135 000 000 so‘mga xarid qilganligini, ammo oradan bir oy vaqt o‘tib avtomashinaning lyuk qismida nosozlik sababli salonni ichiga avtomashinani yuvdirishga borganida suv o‘tib o‘rindiqlarida ko‘lmak bo‘lib qolganligini ko‘rsatgan.
Holatni avtosalon ma’muriyatiga ma’lum qilib, avtomashinasini tuzatib berishlari uchun kaliti bilan topshirib kelganligini, lekin shuncha vaqt o‘tsa hamki, avtomashinasini tuzatilgani to‘g‘risida avtosalon xodimlarini tomonidan chaqirilmaganligidan e’tiroz bildirgan. Ushbu murojaat o‘rganish va amaliy yordam ko‘rsatilish uchun yuborilgan edi.
N.Yo. “As-servis” MChJ ga qarashli avtosalon ko‘rsatgan ta’mirlash ishlaridan qoniqmaganligi va avtomashinadagi nosozlik zavod tomonidagi kamchiligi sababli xarid qilgan yangi Gentra avtomashinasiga to‘langan summasini qaytarilishini talab qildi. Jamiyat mutaxassislari tomonidan uning e’tirozi asosli deb topilib, N.Yo.ga avtosalon tomonidan 135 000 000 so‘m puli to‘liq qaytarib olib berildi.
Izoh (0)