“Toshkent—Andijon” yo‘nalishi bo‘yicha harakatlanuvchi tezyurar poyezd Oltiariqda ham to‘xtab o‘tadigan bo‘ldi. Mazkur taklif Liberal demokratlar partiyasi deputati Lola Murotova tomonidan ilgari surilgan edi. Bu haqda partiyaning Farg‘ona viloyati Kengashi ma’lum qildi.
Shu kunga qadar poyezd Angren, Pop, Qo‘qon va Marg‘ilonda to‘xtab o‘tar edi. Taklif “O‘zbekiston temir yo‘llari” aksiyadorlik jamiyati mutaxassislari tomonidan o‘rganib chiqildi.
2019-yil 8-dekabrdan boshlab foydalaniladigan qatnovlarning yangi harakat jadvaliga asosan Oltiariq temir yo‘l bekatida “Toshkent—Andijon” tezyurar yo‘lovchi poyezdi, “Toshkent—Andijon”, “Andijon—Buxoro”, “Andijon—Xiva”, “Andijon—Termiz” poyezdlari 3 daqiqadan to‘xtab o‘tishi rejalashtirildi.
Izoh (0)