21-oktabrda Pokiston sohilni qo‘riqlash xizmati xodimlarining Belujiston viloyatining Turbat shahrida og‘irligi 2,6 tonna bo‘lgan narkotik mahsulotlarini musodara qilinganini xabar qildi, deb yozmoqda “Regnum”.
Sohilni qo‘riqlash xizmati ma’lumotiga ko‘ra, qiymati 2,8 milliard rupiyga (18,2 million AQSh dollari) teng bo‘lgan gashish partiyasi yuk tashish mashinalaridagi yashirilgan qutilarda olib kelinayotgan vaqtda fosh etilgan. Yetkazib berishni qaysi jinoiy guruh tashkillashtirgani yoki ushbu jinoyatni sodir etgan shaxsning kimligi aniqlanmagan.
Pokistonning Belujiston viloyati orqali jinoyatchilar har yili bir necha o‘n tonna narkotikni, jumladan geroinni olib chiqib ketishga urinadi. Sohil qo‘riqlash xizmati va Pokiston harbiy dengiz kuchlari hududda ushbu jinoiy harakatlarga qarshi kurashib keladi.
Izoh (0)