Krasnoyarskda damba o‘pirilishi oqibatida O‘zbekiston fuqarosi bedarak yo‘qoldi. Bu haqda Sputnik xabar bermoqda.
1987-yilda tug‘ilgan Dilshod Azimov Abdujabborovich oltin qazib olish artelida LW-500 yuklagichi haydovchisi bo‘lib ishlagani aytilmoqda. U bilan birga yana 4 nafar ishchining taqdiri noma’lum bo‘lib turibdi.
O‘zbekistonning Moskvadagi elchixonasi mutasaddilari mazkur masala nazoratda ekanligi, diplomatik vakolatxona Rossiyadagi tegishli idoralar bilan aloqada bo‘lib turganini bildirgan.Rossiya Tergov qo‘mitasining mintaqaviy boshqarmasiga ko‘ra, qutqaruvchilar Krasnoyarsk o‘lkasi janubidagi damba o‘pirilgan joyda qidiruv ishlarini olib bormoqda.
Izoh (0)