“Suriya demokratik kuchlari” yetakchisi Mazlum Abdi kurdlarning IShID terrorchilik guruhlari vakillari va ularning oila a’zolarini Suriya hukumati qo‘shinlariga ham, Turkiya ixtiyoriga ham berilmasligini ma’lum qildi. Bu haqda “TASS” xabar berdi.
“Hibsga olingan IShID jangarilari va ularning oila a’zolari bizning ixtiyorimizda. Ularni biz ushladik va taqdirini ham o‘zimiz hal etamiz”, — deya qayd etgan Abdi. Shuningdek, kurdlar yetakchisi “Suriya demokratik kuchlari” egallab turgan hududga Turkiya qo‘shinlari yoki Bashar Asad armiyasi kirgan taqdirda ham IShID vakillarini ularga topshirmasligini bildirdi.
9-oktabrda Anqara Suriya shimoli-sharqida “Tinchlik bulog‘i” harbiy operatsiyalarining boshlanganini e’lon qildi. Erdo‘g‘onning maqsadi Suriya Turkiya chegarasida qochoqlar uchun “xavfsiz zona” tashkil etish. Butun dunyo Turkiyaning Suriyadagi harbiy harakatlarini qoralagan va ushbu operatsiya oqibatida IShID qayta tug‘ilishi mumkinligidan xavotirlar vujudga kelgan.IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)