Surxondaryo viloyati Muzrabot tumaniga qarashli “Fidokor” MFY raisining ishini prokuratura o‘rganadi. Bu haqda Bosh prokuratura matbuot xizmati rahbari Hayot Shamsutdinovning so‘zlariga asoslanib “Xabar.uz” xabar qildi.
Kuni kecha ijtimoiy tarmoqlarda tarqalgan videolavhada Muzrabot tumani “Fidokor” MFY raisi G‘ulom Mamadiyev Damas rusumli avtomashinani to‘xtatib, unda ketayotgan bir necha nafar ayollarni majburan tushirib, ularni “paxtaga chiqmayotganlik”da ayblash asnosida uyatsiz so‘zlar bilan qattiq haqorat qiladi.
Shuningdek, haydovchiga qo‘l ko‘tarib, uni ham bo‘ralatib so‘kadi. Ayni jarayonga guvoh bo‘lgan profilaktika inspektori esa tomoshabinlikdan nariga o‘tmaydi.
Izoh (0)