Rossiyaning Sankt-Peterburg shahri Pushkin ko‘chasida haydovchilik guvohnomasi, litsenizya hamda yo‘l varaqasiga ega bo‘lmagan o‘zbekistonlik yigit boshqargan Hyundai Solaris avtomobili qarama-qarshi kelayotgan mashina bilan to‘qnashib, yo‘l chetidagi ariqqa quladi. Bu haqda “Piter.Tv” xabar berdi.
Xabarga ko‘ra, voqea 2-oktabr, chorshanba kuni sodir bo‘lgan. Yo‘l transport hodisasi ishtirokchisi bo‘lgan ayol jarohat olgan. Slavyanka mikrorayonidagi Kolpin shossesida taksi haydovchisi Hyundai Solaris’ni boshqarish vaqtida tiqilinchda orqaga qayrilib olmoqchi bo‘lgan va qarama-qarshi yo‘nalishdagi avtomobilga urilib yo‘l chetidagi ariqqa tushib ketgan. Natijada taksi ichida bo‘lgan yo‘lovchi ayol jarohat olgan. U orqa o‘rindiqda bo‘lgan va xavfsizlik kamarini taqmagan.
Huquqni muhofaza qiluvchi organlar xodimlari haydovchi yo‘lga chiqish oldidan tibbiy ko‘rikdan, mashina esa texnik nazoratdan o‘tmaganini aniqladi. Bundan tashqari haydovchi Rossiya haydovchilik guvhnomasi, litsenziya hamda yo‘l varaqasiga ham ega emas.
Sodir bo‘lgan voqea yuzasidan haydovchidan tushuntirish xati olingan va surishtiruv ishlari davom ettirilmoqda.
Izoh (0)