Venesuela prezidenti Rossiyani “og‘amiz” deb atadi. Moskvada qancha musulmon bor? Haftaning eng muhim tvitlari

“Daryo” o‘tib borayotgan haftaning qizg‘in bahslarga sabab bo‘lgan tvitlarini diqqatingizga havola etadi.

“Greta Tunberg iqlimshunoslik sohasida tezkor qaror qabul qilish borasidagi ilhomlantiruvchi siyosiy talabi uchun 83 ming funt sterling miqdoridagi “muqobil Nobel” mukofotini qo‘lga kiritdi”, – Daily Mail nashri.

https://twitter.com/MailOnline/status/1176775942347341824

“Diqqat, Venesuela! Biz Moskvadamiz va ishchi guruhi prezident Vladimir Putin bilan uchrashuv uchun barcha tafsilotlarni ishlab chiqmoqda. Biz vaqtni behudaga sarflamay, og‘amiz Rossiya bilan to‘laqonli hamkorlik o‘rnatishni xohlaymiz. Biz g‘alaba qozonamiz”, – Nikolas Maduro, Venesuela prezidenti.

Ingliz tilida Rossiya ayol jinsi deb qabul qilinadi va shu bois u “opa” deb atalishi mumkin. O‘zbekcha tarjimada “opa”ni “og‘a” deb berdik, chunki o‘zbek tilida Rossiya ayol jinsida qabul qilinmaydi.

https://twitter.com/maduro_en/status/1176650123834798080

“Xalqaro hamkorlarimiz bilan birgalikda siyosiy diplomatik vositalar bilan o‘z hududimizni qaytarib olishga, urushni to‘xtatib, tinchlikka erishishimizga ishonaman. BMT a’zolari bo‘lgan mamlakatlar bilan g‘ovlarsiz boshqa barqaror rivojlanish maqsadlari – qashshoqliksiz, ocharchiliksiz, kasalliklar va urushlarsiz yangi dunyo yo‘lidan boramiz”, – Vladimir Zelenskiy, Ukraina prezidenti.

https://twitter.com/ZelenskyyUa/status/1176623900618305538

“Prezident Hasan Ruhoniy bilan uchrashuvimdan mamnunman. Biz Hindiston va Eron o‘rtasidagi munosabatlarning barcha jabhalarini muhokama qildik. Muhokamalardan, shuningdek, mintaqaviy va global masalalar ham o‘rin oldi”, – Narendra Modi, Hindiston bosh vaziri.

https://twitter.com/narendramodi/status/1177308185444716546

“Hillari Klinton: Tramp – noqonuniy prezident” – The Washington post nashri.

https://twitter.com/washingtonpost/status/1177528978988388352

“Rossiya muftiylar kengashi raisi Ravil G‘aynutddin e’tiroficha, Rossiya poytaxtida yashovchi musulmonlar 3 milliondan oshgan”, – Diplomatik strategiyalarni tadqiq qilish markazi.

https://twitter.com/diplomatik_stj/status/1176963966976835584

“Kaliforniya shtati barcha uylarni Quyosh panellari bilan jihozlanishini, barcha jamoat transportlari zaharli gazlarsiz harakatlanishini va 24 soat mobaynida qayta tiklanuvchi ulkan batareyalar qurilishini talab qilmoqda. Bizda iqlim o‘zgarishlarining oldini olish bo‘yicha yechim bor, keling uni amalga oshiraylik”, – Mayk Xudema, ekologiya faoli.

https://twitter.com/MikeHudema/status/1178515458108071937

“Dunyoning eng toza aeroportlari o‘ntaligi 2019:

1) Xaneda, Tokio;

2) Centrair, Nagoya;

3) Changi, Singapur;

4) Inchxon, Seul;

5) Narita, Tokio;

6) Hamda, Doha;

7) Gonkong aeroporti;

8) Taoyuan, Tayvan;

9) Kansay, Yaponiya;

10) Syurix, Shveysariya.

https://twitter.com/theworldindex/status/1178873061120118784

“‘Siz kinodagidek kelishgan ekansiz’. Zelenskiy aktyor Tom Kruz bilan uchrashdi. Mana uchrashuv qanday bo‘lgan” – Deutsche Welle radiosi.

https://twitter.com/dw_russian/status/1179046952207634432

“Pekinda Xitoy Xalq Respublikasi tuzilganining 70 yilligi dabdabali nishonlanayotgan bir paytda Gonkongda qon to‘kilmoqda”, – “Ozodlik” radiosi.

https://twitter.com/SvobodaRadio/status/1179045906865369088

Jahongir Ergashev tayyorladi.