The Sunday Times jurnalisti Sharlott Edvards Buyuk Britaniya bosh vaziri Boris Jonsonni tegajoqlikda aybladi. Bu haqda “Kommersant” xabar bermoqda.
U o‘zining yakshanba kungi maqolasida 1999-yili Spectator jurnali tahririyatida bo‘lib o‘tgan tushlik chog‘ida Boris Jonson boshqalardan yashirib sonidan ushlaganini da’vo qilgan. U paytlar Jonson Spectator bosh muharriri lavozimini egallagan, Edvards esa reportyorlik faoliyatini endi boshlayotgandi. O‘zining aytishicha, o‘sha paytda bu haqda hech kimga aytmaslikka qaror qilgan.
Maqolada Jonson qarama-qarshi tomonda o‘tirgan boshqa jurnalist ayolga nisbatan ham shunday qiliq qilgani bildirilgan.
Mavzuga doir: Britaniya parlamentining muxolif deputatlari Boris Jonsonga impichment e’lon qilishni rejalashtirmoqda
Bu The Sunday Times nashri tomonidan Boris Jonsonga nisbatan oxirgi paytda ilgari surilgan ikkinchi ayblov. Oldinroq gazeta xodimlari Jonsonning amerikalik tadbirkor Jennifer Arkuri bilan munosabatlarini shubha ostiga olgandi.
Mavzuga doir: Boris Jonson yosh sevgilisi bilan janjallashdi
Izoh (0)