O‘zbekistonga belgilangan me’yor talablariga nomuvofiq, sifati kafolatlanmagan mahsulotlarning kirib kelish holatlari mavjud, deb xabar beradi “O‘zstandart” agentligi matbuot xizmati.
Faqat 2017—2018-yillar davrida jismoniy va yuridik shaxslardan “O‘zstandart” agentligiga 277 dan ortiq, Iste’molchilarning huquqlarini himoya qilish jamiyatlari federatsiyasiga esa 3 mingdan ortiq mahsulot sifati ustidan shikoyat murojaatlari kelib tushdi.
2018-yilda mahsulotlar muvofiqligini baholashda 52,5 milliard so‘m miqdordagi mahsulotlarning texnik reglamentlar talablariga va import mahsulot standartlarining majburiy talablariga nomuvofiqligi aniqlangan.Joriy yilning o‘tgan davri mobaynida import mahsulotlari sinovlari jarayonida jami miqdori 2,9 milliard so‘m bo‘lgan 14 turdagi mahsulot bo‘yicha 20 holatlarda belgilangan normalarga nomuvofiqligi aniqlangan.
Konservalangan no‘xat – 320 million so‘m, nok sharbati – 147 million so‘m, avtomobil shinalari – 500 million so‘m (barchasi XXR), palma yog‘i – 692 million so‘m (500 million — Qozog‘iston va 192 million Malayziya), pista yog‘i – 376 million so‘m (Rossiya), gaz ballonlari – 148 million so‘m (Armaniston) va h.k..
Butun jahon sog‘liqni saqlash tashkiloti ma’lumotlariga ko‘ra, har yili rivojlangan mamlakatlarning deyarli 30 foiz aholisi oziq-ovqatdan zaharlanish bilan bog‘liq kasalliklardan aziyat chekadi. Shunday qilib, AQShda har yili oziq-ovqat bilan bog‘liq 76 millionga yaqin kasallanish holatlari qayd etilib, ulardan 325 ming holatda shifoxonaga yotish va 5 ming holatda o‘limga olib keladi.
Izoh (0)