Ijtimoiy tarmoqlarda 18-sentabr oqshomida bir video tarqaldi: unda Toshkentdagi Amir Temur xiyoboni (“Skver”) atrofidagi aylanma yo‘lda bir mashina katta tezlikda keskin manyovrlarni amalga oshirayotganini, bu vaqtda esa yo‘l-patrul xizmati xodimlari aylanma yo‘lga kirish joylarini yopib qo‘yganini ko‘rish mumkin.
YPX xodimlari nima sababdan aylanma yo‘lni yopgan, qimmatbaho mashina kimniki, unda kim drift qilayotgani haqida aniq ma’lumotlar yo‘q. Taxminlarga ko‘ra, bu bir muddat avval O‘zbekistonga navbatdagi test-drayvlarni o‘tkazish uchun kelgan rossiyalik taniqli avtobloger Erik Davidich bo‘lishi mumkin.
Eslatib o‘tamiz, Erik Davidichning O‘zbekistondagi test-drayvlari uchun Prezident Shavkat Mirziyoyevning kenja kuyovi Otabek Umarov premium turkumdagi Mercedes AMG GT 4, Brabus Maybach 900 va Bentley avtomobillarini taqdim etgan edi.
Izoh (0)