O‘zbekiston haqida noyob dasturlar tayyorlash hamda ularni dunyoning mashhur telekanallarida namoyish qilish maqsadida TopGear, “Vokrug Sveta”, National Geographic kabi taniqli telekanal va ko‘rsatuvlar vakillarini O‘zbekistonga jalb qilish rejalashtirilmoqda. Bu haqda Turizmni rivojlantirish davlat qo‘mitasi xabar berdi.
“Axborot bozoridan foydalangan holda, mamlakat turistik salohiyatini tezkor sur’atlarda oshirish mumkin, bu ayniqsa turistik reklama maqsadiga yetishish uchun muhim. Shu munosabat bilan O‘zbekiston imijini shakllantirish hamda uning jahon bozorida tanilishini oshirish maqsadida TopGear, ‘Vokrug Sveta’, National Geographic kabi mashhur platformalar bilan hamkorlikda ishlash va O‘zbekiston haqida noyob dasturlar tayyorlash mamlakat turistik salohiyati targ‘ibotida samarali yondashuv hisoblanadi”, — deyiladi xabarda.
Ta’kidlanishicha, reklamaning ushbu turi har doim axborot maydonining bir qismi bo‘lib qoladi va bu oxir-oqibat turli platformalardan (televizorlar, planshetlar, kompyuterlar va h.k.) tomosha qiluvchi auditoriyaning yuqori qamroviga olib keladi.
Izoh (0)