Prezident Shavkat Mirziyoyev tomonidan 2016-yil 14-sentabrda imzolangan “Yoshlarga oid davlat siyosati to‘g‘risida”gi qonunning qabul qilinganiga uch yil bo‘ldi.
Shu munosabat bilan Farg‘ona hududiy elektr tarmoqlari korxonasi aksiyadorlik jamiyati tomonidan Yoshlar ittifoqi boshlang‘ich tashkilotining faol a’zolaridan tarkib topgan bir guruh yosh ishchi-xodimlar 10—15-sentabr kunlari Qo‘qon shahrida o‘tkazilgan birinchi xalqaro hunarmandchilik festivaliga sayohatga yuborildi.
Mazkur sayohat davomida yoshlar xalqimizning qadimiy tarixi va madaniy merosi, ko‘p qirrali o‘zbek milliy hunarmandchiligi mahsulotlari bilan yaqindan tanishishdi.
Ma’lumki, festivalda 78 mamlakatdan davlat va jamoat arboblari, ustazoda hunarmandlar, xalq amaliy san’ati ustalari, mutaxassislar, soha olimlari, faxriy mehmonlar, madaniyat va san’at namoyandalari ishtirok etdi.
Farg‘ona hududiy elektr tarmoqlari korxonasi AJ matbuot xizmatining ma’lum qilishicha, mahalliy va xorijiy hunarmandlar mahsulotlarining ko‘rgazmasi, xalq sayllari, dorbozlar va folklor jamoalarining chiqishlari, viloyatlar madaniyat boshqarmalari tomonidan tayyorlangan konsert dasturlari korxonaning yosh xodimlarida katta taassurot qoldirdi.
Reklama huquqi asosida.
Izoh (0)