O‘zbekistonda Signal va Wire messenjerlarini yuklab olishlar soni keskin oshdi, deb xabar beradi Spot.
Signal 65-o‘ringa, Wire esa 86-o‘ringa ko‘tarilgan.
Avval bunday o‘sish kuzatilmagan edi.
Avvalroq Amerika maxsus xizmatining sobiq xodimi Edvard Snouden amaldorlar WhatsApp va Telegram messenjerlaridan foydalanmasliklari kerakligini aytgani haqida xabar berilgan edi.
U France Inter radiosiga intervyu berayotgan chog‘ida jurnalist Fransiya bosh vaziri Eduar Filipp WhatsApp, prezident Emmanuel Makron esa Telegram messenjeridan foydalanishini aytdi. Snouden bunga javoban, vazirlarning WhatsApp’dan foydalanishlari “katta xato” ekanligini ta’kidladi. U Facebook kompaniyasi 2014-yildan mazkur ilovaning egasiga aylanganini aytdi.
“Ular turli himoya darajalarini qatlamma-qatlam o‘chirishadi”, — dedi u.
Ma’lumot uchun, Signal messenjeri 2014-yilda Moksi Marlinspayk va uning Open Whisper Systems kompaniyasi tomonidan yaratilgan. Signal dasturida OWS tomonidan ishlab chiqilgan Signal Protocol shifrlash algoritmidan foydalaniladi.
Ushbu algoritm ommalashdi hamda boshqa dasturchilarning messenjerlarida ham qo‘llanila boshladi.
Wire — Skype’ning sobiq yetakchi menejerlari Jonatan Kristensen, Yanus Friis va Priidu Zilmer tomonidan ishlab chiqilgan kuchli himoyaga ega yangi avlod messenjeridir.
Unda shifrlash Open Whisper Systems tomonidan ishlab chiqilgan ochiq manba protokoli bo‘yicha amalga oshiriladi.
Izoh (0)