O‘zbekiston qishloq hududlarida davlat xizmatlarini taqdim etishni takomillashtirish va boshqaruv darajasini oshirish loyihasiga start berildi

“O‘zbekistonning qishloq hududlarida davlat xizmatlarini taqdim etishni takomillashtirish va boshqaruv darajasini oshirish” loyihasiga start berildi. Bu haqda Davlat xizmatlari agentligi matbuot xizmati ‘‘Daryo’’ga xabar berdi.

Loyiha O‘zbekiston Respublikasi Adliya vazirligi, Yevropa Ittifoqi, Davlat xizmatlari agentligi hamda O‘zbekistondagi BMT Taraqqiyot dasturi vakilligi hamkorligida tashkil qilingan. Unga binoan, 5 ta hudud, ya’ni Jizzax, Qashqadaryo, Sirdaryo, Surxondaryo hamda Toshkent viloyatlarida yuqori standartlar asosida davlat xizmatlarini ko‘rsatish yo‘lga qo‘yilgan.

BMT Taraqqiyot dasturining O‘zbekistondagi Doimiy vakili Matilda Dimovskaning ta’kidlashicha, davlat xizmatlaridan foydalanish imkoniyatlarini yaxshilash har bir hukumat uchun o‘z fuqarolariga yanada samarali xizmat ko‘rsatishni istaydigan muhim element hisoblanadi.

Davlat xizmatlarining takomillashuvi qishloqdagi aholining zaif qatlamlari hayot sifatini yaxshilash, ularning xizmatlardan foydalanish imkoniyatlarini kengaytirishga qaratilgan, deyiladi ma’lumotda.