13—14-sentabr kunlari Namanganda bo‘lib o‘tgan xalqaro tibbiyot va farmatsevtika forumida umumiy qiymati 92,7 million dollarlik 22 ta kelishuv imzolandi. Bu haqda “Daryo” muxbiri Azizbek Abduvaliyev ma’lum qildi.
Bitimlar Avstriya, Germaniya, Isroil, Misr, Pokiston, Rossiya, Slovakiya, Ukraina, Hindiston va Xitoy kompaniyalari bilan tuzilgan.
Jumladan, “Kosonsoy farm” EIZda faoliyat yurituvchi “Spring farmatsevtik” MChJ hamda Misrning Pharco pharmaceuticals kompaniyasi hamkorligida farmatsevtika mahsulotlarini ishlab chiqarish bo‘yicha 30 million, viloyat sog‘liqni saqlash boshqarmasi hamda Avstriyaning AME International kompaniyasi o‘rtasida kardiologiya markazini barpo etish uchun 10 million, “Merrimed Farm” MChJ bilan Germaniyaning Textima Export Import kompaniyasi o‘rtasida ko‘p tarmoqli tibbiy markaz tashkil etish yuzasidan 30 million dollarlik kelishuvlarga erishilgan.
Izoh (0)