Qo‘qondagi Hunarmandchilik festivalining ochilish marosimida 5000 ta mushak otiladi

Xalqaro hunarmandchilik festivalining tantanali ochilish marosimi munosabati bilan soat 20:30 da Qo‘qon shahridagi O‘rda maydonida mushakbozlik uyushtiriladi. Mushakbozlikni O‘rda maydoni va uning atrofidan tomosha qilish mumkin bo‘ladi.

“Daryo” manbasining ma’lum qilishicha, tantanali marosim munosabati bilan tarixda ilk marta turli xil rangdagi 5000 ta mushak otiladi.

Ma’lumotlarga ko‘ra, festivalning ochilish marosimi soat 18:00 da boshlanishi rejalashtirilgan. Ochilish marosimida ishtirok etish uchun Prezident Shavkat Mirziyoyev Qo‘qonda bo‘lib turibdi.