Twitter ma’muriyati Kuba Kommunistik partiyasi va uning yetakchisi Raul Kastroning rasmiy akkauntlarini bloklab qo‘ydi. Bundan tashqari Kastroning qizi va bir qator Kuba rasmiy OAV jurnalistlarininig ham akkaunti bloklangan, deb xabar beradi Meduza.
Reuters agentligining yozishicha, blokirovka Kuba prezidenti Migel Diaz-Kanelning AQSh sanksiyalari tufayli yaqinlashib kelayotgan energetik inqiroz haqida xalqni ogohlantirganidan so‘ng ro‘y berdi.
Twitter vakilining so‘zlariga ko‘ra, kompaniyaning jamoatchilik fikrini manipulyatsiya qilishga qarshi siyosatida foydalanuvchilar akkauntlari tarmog‘idan foydalanib, biron-bir mavzuni sun’iy ravishda ommalashtirish taqiqlanadi.
Kuba Tashqi ishlar vazirligi Twitter’ning ushbu harakatini “inqilobchilarning haqiqatni himoya qilishdagi bayonotlarini cheklash bo‘yicha aniq kelishilgan operatsiya”, deb atadi.
Izoh (0)