“Borussiya M” — “Leypsig”
Turning markaziy o‘yini Myunxenladbax shahrida bo‘lib o‘tdi. Unda “Borussiya” klubi “Leypsig” bilan bahs olib bordi. O‘yin teng kurashlar ostida o‘tgan bo‘lsada, “buqalar” vaziyatlardan foydalanishda yaxshiroq harakat qildi. Birinchi bo‘lim yakunlanishi arafasida va ikkinchi bo‘lim debyutida Timo Verner mezbonlar darvozasini ikki bor o‘qqa tutdi.
Uchrashuvning so‘nggi daqiqalari ham qiziqarli o‘tdi. Hakam tomonidan qo‘shib berilgan vaqtning ilk daqiqasida Bril Embolo hisobni qisqartirib maydon egalari uchun umid uchqunlarini yoqdi. Biroq oradan uch daqiqa o‘tib Verner uchinchi golini urgan holda yakuniy hisobni o‘rnatdi.
Shu tariqa, Yulian Nagelsman shogirdlari 9 ochko bilan yakka peshqadamga aylandi.“Bavariya” — “Mayns”
Amaldagi chempion o‘z maydonida “Mayns” bilan o‘ynadi. Avvaliga o‘z darvozasidan to‘p olib chiqqan myunxenliklar yakunda yirik hisobdagi g‘alabani tantana qildi. Jan-Pol Butyusning goliga “Bavariya” Benjamen Pavar, David Alaba, Ivan Perishich, Kingsli Koman, Robert Levandovski va Alfonso Devislarning kiritgan to‘plari bilan javob qaytardi.
Ilk turda durang o‘ynab qo‘ygan Niko Kovach shogirdlari ketma-ket ikki o‘yinni yirik hisobdagi g‘alaba bilan yakunladi va musobaqa jadvalida ikkinchi o‘ringa ko‘tarildi. “Mayns” esa birorta ham ochko to‘play olmagan holda so‘nggi pog‘onada bormoqda.“Union” — “Borussiya D”
Tur sensatsiyasi Berlinda ro‘y berdi. Unda “Union” Dortmundning “Borussiya”sini dog‘da qoldirdi. Birinchi bo‘lim qoq yarmiga yetganida Marius Byulter poytaxt vakilini oldinga olib chiqdi. Oradan uch daqiqa o‘tar-o‘tmas Pako Alkaser muvozanatni tiklashga erishdi.
Ikkinchi bo‘lim boshida yana o‘sha Byulter mezbonlarning ikkinchi golini urgan bo‘lsa, 75-daqiqada Sebastiyan Andersson o‘yinga yakuniy nuqtani qo‘ydi.
Shu tariqa, mavsumni ko‘tarinki ruhda boshlagan “Borussiya” Bundesliga debyutantiga imkoniyatni boy berib qo‘ydi. “Union” esa dastlabki uch ochkoga ega chiqdi.
Tur raqamlari
Mazkur turda darvozalar jami 31-marta ishg‘ol qilingan bo‘lsa, gollarning 20 tasi mezbonlar tomonidan urildi.Hozircha to‘rtta jamoa mag‘lubiyatga uchramadi (“Leypsig”, “Bavariya”, “Volfsburg”, “Bayer”), yana to‘rtta klub (“Mayns”, “Herta”, “Augsburg”, “Paderborn”) g‘alaba nimaligini bilmay kelmoqda.
Bundesliga
3-tur bahslari
30-avgust, juma
“Borussiya M” — “Leypsig” 1:3
Gollar: 0:1 — 38 Verner, 0:2 — 48 Verner, 1:2 — 90 Embolo, 1:3 — 90 Verner31-avgust, shanba
“Bavariya” — “Mayns” 6:1
Gollar: 0:1 — 6 Boetiyus, 1:1 — 36 Pavar, 2:1 — 45 Alaba, 3:1 — 54 Perishich, 4:1 — 64 Koman, 5:1 — 78 Levandovski, 6:1 — 80 Devis“Bayer” — “Hoffenhaym” 0:0
“Volfsburg” — “Paderborn” 1:1
Gollar: 0:1 — 12 Kauli, 1:1 — 56 Brekalo“Frayburg” — “Kyoln” 1:2
Gollar: 1:0 — 40, avtogol Chixos, 1:1 — 52 Modest, 1:2 — 90 Sxiri“Shalke-04” — “Herta” 3:0
Gollar: 1:0 — 38, avtogol Shtark, 2:0 — 48, avtogol Rekik, 3:0 — 85 Kenni“Union Berlin” — “Borussiya D” 3:1
Gollar: 1:0 — 22 Byulter, 1:1 — 25 Pako Alkaser, 2:1 — 50 Byulter, 3:1 — 75 Andersson1-sentabr, yakshanba
“Verder” — “Augsburg” 3:2
Gollar: 1:0 — 6 Osako, 1:1 — 12 Vargas, 2:1 — 21 Sardjent, 2:2 — 46 Vargas, 3:2 — 67 OsakoAyntraxt F” — “Fortuna” 2:1
Gollar: 0:1 — 36 Xennings, 1:1 — 57 Dost, 2:1 — 86 PasiyensiyaTurnir jadvali
To‘purarlar ro‘yxati
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)