Toshkent viloyatidagi “Niyozbosh” qishloq fuqarolar yig‘inida yashovchi 36 yoshli A.Q. 19-iyul kuni Toshkentning Mirobod tumanida yashovchi 46 yoshli X.Sh. ismli ayolga avtomashinalar yuvish shoxobchasi, bino va inshootlarni sotaman deb, undan 30 ming dollar pul olgan.
“Biroq A.Q. bergan va’dasini bajarmay, X.Sh.dan olgan pullarini o‘z ehtiyojlari uchun ishlatib yuborgan”, — deya xabar bermoqda IIV Jamoatchilik va OAV bilan aloqalar boshqarmasi. Ayol ushbu holat yuzasidan 29-avgust kuni Yangiyo‘l shahar IIBga murojaat qilgan.
Xabar berishlaricha, holat yuzasidan jinoyat ishi qo‘zg‘atilib, A.Q. ushlangan. Hozirda ushbu holat yuzasidan tergov harakatlari olib borilmoqda. IIV xabarida ishning boshqa tafsilotlari ma’lum qilinmagan.
Izoh (0)