Rossiya prezidenti Vladimir Putin MAKS-2019 aviasalonida Turkiya prezidenti Rajab Toyyib Erdo‘g‘on va bir nechta amaldorlarni muzqaymoq bilan mehmon qildi, deb xabar beradi Meduza.
Muzqaymoqlar uchun pulni Putinning o‘zi to‘lagan.
2017-yili o‘tkazilgan aviasalonda ham Vladimir Putin plombirdan tatib ko‘rgan edi. O‘shanda ham pulni prezidentning o‘zi aynan kecha ko‘zga tashlangan sotuvchiga to‘lagan.
Avvalroq OAV va blogerlar Vladimir Putinning atrofidagi odamlar “bir xil” ekanligini payqab qolishgan. 2016-yilning sentabrida prezidentni Novgorod viloyatidagi ko‘lda baliqchilar bilan birga suratga tushirishgan edi. 2017-yilning yanvarida esa “baliqchilarni” Novgorod cherkovidagi Rojdestvo xizmatida ham payqab qolishgan. Rossiyaning “Birinchi kanal”i Putin cherkovda bir necha oy oldin tanishib qolgan baliqchilari bilan uchrashganini ma’lum qilgandi o‘shanda.
Izoh (0)