Shveysariyaning Alp tog‘laridagi Simplon dovonida samolyot halokatga uchradi. “Gazeta.ru”ning xabariga ko‘ra, buning oqibatida uch kishi halok bo‘lgan.
Vale kantoni politsiyasining ma’lum qilishicha, 25-avgust kuni Piper samolyoti G‘arbiy Shveysariya aeroportidan ko‘tarilib, Italiyaga yo‘l olgan. Oradan yarim soatdan kam vaqt o‘tib, samolyot Italiya chegarasi yaqinida qulagan va yonib ketgan.
Yonib ketgan samolyot vayronalari ostidan uchuvchi, yo‘lovchi va yosh bolaning jasadi topilgan. Politsiya halok bo‘lganlarning shaxsini rasman tasdiqlash kerakligini aytgan.
Samolyot halokatining ehtimoliy sabablari hozircha ma’lum qilinmagan.
Dengiz sathidan 2100 metr balandlikda joylashgan Simplon dovoni janubiy Shveytsariyani Italiyaning shimoliy qismi bilan bog‘laydi.
Izoh (0)