Shimoliy Koreya 2018-yilda yadro izlanishlarini davom ettirgan. “TASS”ning yozishicha, bu haqda Xalqaro atom energiyasi agentligi (XAEA) hisobotiga tayanib, KBS telekanali ma’lum qilgan.
Unda aytilishicha, Pxenyan Yonbyondagi quvvati 5 MVt bo‘lgan tadqiqot reaktori tufayli yadro izlanishlarida “yanada rivojlanishga erishgan”.
XAEA mutaxassislari tomonidan o‘tkazilgan Yonbyondagi yadro markazining sputnik suratlari tahlili reaktor o‘tgan yilning avgust oyi o‘rtalarigacha ishlaganini ko‘rsatgan.
Hisobotda, shuningdek, reaktor avgust o‘rtalaridan noyabr oyi oxiriga qadar uzilishlar bilan ishlagani, 2018-yilning dekabrida esa hech qanday ishlash belgilari qayd etilmagani aytilgan.
Izoh (0)