Warner Bros. Pictures tomonidan suratga olinadigan “Matritsa” filmining to‘rtinchi qismida bosh rollarni Kianu Rivz va Kerri-Enn Mos ijro etishi ma’lum bo‘ldi, deb xabar beradi Tengrinews.
“#Matrix4 rasman Kianu Rivz bilan ishlamoqda va orginal jamoaning bir qismini qayta yig‘adi”, — deyiladi xabarda.
Ma’lumotlarga ko‘ra, Lana Vachovski film ssenariysini yozgan va unga o‘zi rejissorlik qiladi. To‘rtinchi film nima haqida bo‘lishi hozircha noma’lum.
“Matritsa” — ilmiy-fantastik jangari film bo‘lib, aka-uka Vachovskilar tomonidan suratga olingan. Filmda Kianu Rivz, Lourens Fishborn, Kerri-Enn Moss va Vyugo Uiving bosh rollarni ijro etgan. 1999-yilda katta ekranlarga chiqqan film butun dunyo bo‘yicha katta shuhrat qozongan.
Izoh (0)