Koutinyoning “Bavariya”ga transferi tafsilotlari ma’lum bo‘ldi

“Barselona” klubi yarim himoyachisi Filippe Koutinyo “Bavariya”ga ijara asosida o‘tadi.

Bild nashrining xabar qilishicha, “Bavariya” braziliyalik futbolchining ijarasi uchun 20 million yevro to‘laydi. Shuningdek, nemis klubi Koutinyoni 120 million yevroga sotib olish huquqiga ega bo‘ladi.

Eslatib o‘tamiz, avvalroq “Barselona” va “Bavariya” jamoalari Koutinyo transfer borasida kelishuvga erishgan edi.

Ma’lumot uchun, Koutinyo o‘tgan mavsum La Ligada 34 ta o‘yin o‘tkazib, beshta gol va ikkita samarali uzamatga muallif bo‘lgan.