Filadelfiyada sodir bo‘lgan otishma oqibatida olti nafar politsiyachi jarohatlandi (video)

Amerikaning Filadelfiya shahri shimolida otishma sodir bo‘ldi, deb xabar beradi “Korrespondent.net”.

Ta’kidlanishicha, otishmada bevosita ishtirok etgan olti nafar politsiyachi jarohat olgan. Shuningdek, yo‘ldan o‘tib ketayotgan ikki kishi yo‘l-transport hodisasiga uchragan.

Ma’lumotlarga ko‘ra, otishma politsiya giyohvand moddalar savdosi bilan shug‘ullanuvchi shaxslarni qo‘lga olish operatsiyasini o‘tkazayotgan vaqtda yuzaga kelgan. Politsiyaning ta’kidlashicha, jarohat olganlarning hayotiga hech nima xavf tug‘dirmayapti.

https://twitter.com/BobBrooks6abc/status/1161742535993282568

Otishma hali ham davom etmoqda. ABC telekanalining ma’lum qilishicha, gumonlanuvchi vaqti-vaqti bilan to‘rttadan oltitagacha o‘q uzmoqda.