Yangiyo‘ldagi 2 ta uy aholisi hokimning uylarni buzish qarorini bekor qilishga erishdi

Yangiyo‘ldagi 2 ta uy aholisi hokimning uylarni buzish qarorini bekor qilishga erishdi. Bu haqda Facebook’dagi “Potrebitel.uz” guruhida ma’lum qilindi.

Avvalroq Yangiyo‘ldagi 2 ta ko‘pqavatli uy aholiga o‘z uylarini tark etishga 2 hafta vaqt berilib, uylar noqonuniy buzib tashlangani haqida ma’lum qilingandi. Shu bilan birga, ularga yangi uy qurilgunga qadar o‘zlari vaqtincha turar joy topishlari kerakligi aytilgan.

Buzilgan uylar yonidagi yana 2 ta uyni ham xuddi shunday taqdir kutayotgandi. Urganch, Rishton va Yakkabog‘dagi ayanchli voqealardan so‘ng bu uylarni muddatidan oldin buzish bekor qilindi.

Xabarda aytilishicha, odamlarga eski uylarni tortib olishdan avval yangisini qurishga va’da berildi.