Sergeli kichik sanoat zonasi hududidagi korxonada yong‘in yuz berdi

9-avgust kuni soat 12:23 da Sergeli kichik sanoat zonasi hududida joylashgan paralon ishlab chiqarish sexining 150 kvadrat metr maydonida yong‘in sodir bo‘ldi.

Yong‘indan binoning 5000 kvadrat metr maydonidagi qurilmalari saqlab qolingan.

Jangovar bo‘linmalar chaqirilgan manzilga soat 12:28 da yetib borgan va ko‘rilgan tezkor choralar natijasida yong‘in soat 12:50 da qurshab olinib, 14 daqiqada o‘chirilgan.

Hodisa joyiga 7 ta yong‘in o‘chirish texnikasi jalb qilindi.