Toshkent viloyatining Chinoz tumani 71-uyda yashovchi Hurmatilla va Tobonoy Mo‘minov 23-iyul kuni bir yo‘la uch farzandli bo‘ldi.
“Daryo” muxbirining xabar berishicha, chaqaloqlarga Shavkat, Miromon va Ziroatxon ismlari qo‘yildi. Dunyoga kelgan uch egizakning ham, onasining ham salomatligi yaxshi.
“Oilada 2 o‘g‘il, bir qizimiz bor edi. Ollohga shukr, farzandlarimiz 6 nafar bo‘ldi. To‘rt o‘g‘il, 2 qiz. Inson farzandiga ism qo‘yishda, albatta, kimgadir o‘xshashini istab, tanlaydi. Aslida ota-onaga farzand dunyoga kelganda chiroyli ism tanlash ham farz”, — degan egizaklarning onasi.
“Bolalarim Prezidentimizga o‘xshab elni o‘ylaydigan, unga xizmat qilib charchamaydigan, hamma havas qiladigan bo‘lib ulg‘ayishsin, deya niyat qildik”, — degan Hurmatilla Mo‘minov.
Izoh (0)