O‘zbekistonning Singapurdagi elchixonasi va “Visit Uzbekistan” hamkorligida 5-avgust kuni Singapurning taniqli Sentoza orolida o‘zbek madaniyati kechasi o‘tkazildi. Bu haqda elchixona matbuot xizmati ma’lum qildi.
Kechada 200 ga yaqin ishbilarmon elita, investorlar, diplomatik korpus va ijodiy doiralar vakillari ishtirok etgan.
O‘zbekistonni an’analarda namoyish etish uchun Osiyo megapolisiga o‘zbek madaniyat biznesining vakillari, jumladan “Begim” o‘zbek parfyumeriya tarmog‘ining asoschisi Gulchehrabegim Maxmudova, “Anor” moda brendining muallifi Dilnoza Umirzoqova, “Visit Uzbekistan” xalqaro hamkorlik platformasi va shu nomdagi jurnal tashabbuskori Dinara Dultaeva, suratkash Muhiddin A Lee hamda oshpaz Xasan Rasulov tashrif buyurgan.
Kechani O‘zbekistonning Singapurdagi elchisi Qahramon Shokirov ochib bergan. Elchi o‘z nutqida so‘nggi ikki yil ichida Singapurdan O‘zbekistonga tashrif buyurgan sayyohlar soni 60 foizga o‘sganini ta’kidlab o‘tgan.
Tadbir mehmonlari Muhiddin A Lee tomonidan “Visit Uzbekistan” deb nomlangan fotoko‘rgazma bilan kutib olindi. Unda fotosuratchining diqqatga sazovor joylarda millat ruhi, me’moriy majmualarning betakror shakllari va milliy urf-odatlarni boyligini aks ettiruvchi 28 ta fotosuratdan iborat to‘plami namoyish etilgan.
Shuningdek, mehmonlar sakkiz tonnalik palovni Ginnesning rekordlar kitobiga kiritish bo‘yicha oshpazlar jamoasi a’zosi, yettinchi avlod vakili bo‘lmish pazandalik ustasi Hasan Rasulov mehmonlarni osh, somsa va milliy shirinliklar bilan tanishtirgan.
“Feel Uzbekistan” dizaynerlik shousi kechaning yorqin bo‘limiga aylangan. To‘plam “Anor” moda uyining eksklyuziv kompozitsiyasini namoyish etuvchi haute couture uslubidagi 10 ta ko‘rinishdan iborat bo‘ldi. Ushbu to‘plam ilgari Milan moda haftaligida ishtirok etgan. Shuningdek, “Mursak” brendining milliy liboslari to‘plami ham namoyish etigan.
Kecha davomida Fransiyada yaratilgan, O‘zbekiston tarixi va madaniyatiga bag‘ishlangan “Begim” parfyumeriya to‘plamining taqdimoti ham bo‘lib o‘tgan. “Begim Parfumes Treasure Collection” parfyumeriya to‘plami jahon madaniyati tarixidan ilhomlangan holda yaratilgan bo‘lib, ayollar va erkaklar uchun bir qator betakror parfyumlarni o‘z ichiga oladi. To‘plam “Bukhara Spirit”, “Samarkand Spirit”, “Rubi of Timur”, “Kohinoor Dimonds” va “Silk Road” nomli parfyumlarni o‘z ichiga oladi. Ushbu to‘plam Parij, London, Dubay, Doha, Ar-Riyod va boshqa poytaxtlardagi parfyumeriya do‘konlarida katta muvaffaqiyatli sotuvlarga sazovor bo‘lgan.
Kecha O‘zbekistonga sayohatchilar va ishbilarmonlar uchun ingliz tilidagi birinchi jurnal — “Visit Uzbekistan” taqdimoti bilan yakunlangan. Jurnalda sayyohlik va sarmoyaviy salohiyat, mamlakatning ijtimoiy va madaniy hayotidagi tadbirlari, san’at, gastronomiya, an’analar, meros va odamlar haqida sifatli ma’lumotlar keltirilgan. Turistik marshrutlar, xaritalar, bo‘lajak tadbirlarning afishalari, xaridlar haqida juda ko‘p foydali ma’lumotlar ham nashrda taqdim etilgan. Jurnal 3000 nusxada chop etilib, dunyo bo‘ylab elchixonalar, sayyohlik agentliklari va hamkorlar orqali tarqatiladi. Ikki yil ichida jurnalning 20 soni chop etilib, 15 dan ortiq mamlakatlarda namoyish etilgan. Ushbu loyiha asosida dunyoning 11 mamlakatdagi ekspertlar kengashi va O‘zbekistondagi sayyohlik va ijodkorlik sohasidagi ishbilarmon doiralarni birlashtirgan “Visit Uzbekistan” xalqaro hamkorlik platformasi tashkil etilgan.
Izoh (0)