Toshkentda qariyb 0,5 kg quyma tillalarni olib o‘tishga uringan shaxs bojxona xodimlari tomonidan to‘xtatib qolindi

Bojxonachilar tomonidan tilla va zargarlik buyumlarining yashirincha olib o‘tilishiga qarshi samarali kurash olib borilmoqda. Bu haqda O‘zbekiston Respublikasi Davlat Bojxona qo‘mitasi ma’lum qiladi.

Davlat bojxona qo‘mitasi “Toshkent-AERO” Ixtisoslashtirilgan bojxona kompleksi xodimlari “Toshkent” xalqaro aeroportidan xorijga uchib ketayotgan fuqaro G.X.ning noqonuniy xatti-harakatlariga chek qo‘ydi.

Ushbu shaxs xolislar ishtirokida skaner qurilmasi yordamida bojxona nazoratidan o‘tkazilganda u quyma tilla bo‘laklarini o‘z tanasiga berkitib olganligi aniqlandi.

Natijada, fuqaro G.X.dan yashirincha olib o‘tishga urinilgan jami 434,6 grammni tashkil etuvchi 14 dona dumaloq shakldagi quyma tillalar ashyoviy dalil sifatida olindi.

Hozirda ushbu holat yuzasidan bojxona tekshiruvlari davom ettirilmoqda.