O‘zbekistonda 800 mingdan ortiq abituriyent ro‘yxatdan o‘tkazildi. Eng ko‘p hujjat Samarqand davlat universitetiga topshirilgan

2019-yil 12-iyul holatiga respublika miqyosida jami 800 442 nafar abituriyent ro‘yxatdan o‘tkazildi. Bu haqda Oliy va o‘rta maxsus ta’lim vazirligi ma’lum qildi.

Shundan:

kunduzgi ta’limga — 591 872 nafar;kechki ta’limga — 8943 nafar;sirtqi ta’limga — 199 627 nafar abituriyent hujjat topshirgan.

Quyidagi OTMlarda eng ko‘p abituriyent ro‘yxatdan o‘tgan:

Samarqand davlat universiteti — 54 942 nafar;Andijon davlat universiteti — 35 232 nafar;Qarshi davlat universiteti — 34 124 nafar;Urganch davlat universiteti — 30 746 nafar;Termiz davlat universiteti — 29 494 nafar.

Eng kam abituriyent ro‘yxatdan o‘tgan OTMlar asosan filiallar hissasiga to‘g‘ri keladi:

TKTI Shahrisabz filiali — 181 nafar;NavDKI Nukus filiali — 206 nafar;Milliy raqs va xoreografiya oliy maktabi — 243 nafar;O‘zDJTSU Nukus filiali — 251 nafar;SamVMI Nukus filiali — 294 nafar.