Markaziy Osiyo mototsikllar uyushmasining tashabbusi bilan joriy yil 26 iyundan boshlab Markaziy Osiyo mamlakatlari — Qozog‘iston, Qirg‘iziston, O‘zbekiston va Tojikiston bo‘ylab “Yaylovning 2019-yildagi yo‘li” shiori ostida mototsikl poygasi o‘tkazilmoqda. Poygachilar joriy yil 26-iyun kuni Qozog‘istonning Chimkent shahridan yo‘lga chiqishib, 30-iyun kuni “Do‘stlik” chegara bojxona posti orqali O‘zbekistonga kirib keldi.
Samarqand viloyati bojxona boshqarmasi axborot xizmatining “Daryo”ga ma’lum qilishicha, vodiy orqali O‘zbekistonga tashrif buyurgan motopoygachilar 4-iyul kuni Samarqandga yetib kelgan ishtirokchilar shaharning tarixiy obidalarini ziyorat qildi. Mehmonlar ishtirokida viloyatda “Sherdor” mototsiklchilar sport klubi tashkil etildi. 5-iyul kuni poygachilar Samarqanddan Tojikistonning Xo‘jand shahriga yo‘l oldi.
– Bizlar Chimkentdan 16 ta mototsiklda 18 kishi yo‘lga chiqqan edik. Samarqandga kelib 30 kishidan oshib ketdik. Biz poyga musobaqasi orqali Markaziy Osiyo davlatlarining turizm sohasini rivojlanlantirmoqchimiz, — deydi musobaqasi tashkilotchisi Askat Seyitbekov. – Bizlar ikki kun davomida Samarqandning diqqatga sazovor joylarini tomosha qildik. Ayniqsa, Registon maydoni, Go‘ri Amir maqbarasi, Shoxi Zinda majmuasi va Mirzo Ulug‘bek rasadxonasi bizda katta taassurot qoldirdi.
Markaziy Osiyoda xalqlarining tarixi va madaniyatini o‘rganish orqali ularning do‘stona munosabatlarini mustahkamlash maqsadida tashkil etilgan poyga Markaziy Osiyodagi shaharlar va tarixiy joylarga tashriflar, mamlakatlarning turmush tarzi bilan tanishish ko‘zda tutilgan.
Izoh (0)