Toshkent viloyati Bekobod tumanidagi Jumabozor QFY atrofidagi dala hovlilarda falanga (o‘rgimchaksimon zaharli jonivor) paydo bo‘lgani aytilmoqda. Bu haqda Facebook’dagi “Potrebitel.uz” guruhi a’zolari ma’lum qildi.
“Dam oluvchilar, ehtiyot bo‘linglar. Falanganing rasmini o‘z oilangizga, ayniqsa, farzandlaringizga ko‘rsating, toki ular bu o‘rgimchaksimon hasharotni ko‘rganida, chaqib olmasligi uchun ehtiyot bo‘lsin”, — deyiladi postda.
Ta’kidlanishicha, falanga zaharli emas, ammo uning chaqishi juda og‘riqli bo‘ladi, chaqqan joy bitib ketishi uzoq vaqt oladi. Yana, ular odamlardan qo‘rqmaydi.
Falanga chaqib olgan taqdirda, yarani suvga aralashtirilgan vodorod peroksidi bilan yuvib, har qanaqa antiseptik (yod, zelyonka) surib, bog‘lab qo‘yish, mabodo tana harorati ko‘tarilsa, shifokorga murojaat qilish tavsiya etilgan.
Izoh (0)