Kelesda uyi buzilayotganlar hovlilari juda past narxda baholanayotgani, tuman hokimi esa e’tirozlarini eshitmayotganini aytmoqda. Bu haqda “Minbar” ma’lum qildi.
Toshkent viloyatining Keles shahrida 36 ta uy buzilmoqda. Ularning o‘rnida 7 va 9 qavatlik uylar qurilishi, Keles yo‘li ko‘chasi kengaytirilishi rejalashtirilgan.
Toshkent tumani hokimligi rahbariyatining aytishicha, buzilishga tushgan xonadonlarda yashovchilarni ko‘chirish qonun doirasida, ularni rozi qilgan holda amalga oshirilmoqda.
Biroq uylari buzilayotgan fuqarolar buning aksini aytmoqda.
Uy egalariga o‘zlari xohlagan joydan yer maydonlari ajratilmagan. Taklif etilayotgan hududdagi sharoitlar ularni qoniqtirmayapti.
Fuqarolarga ko‘ra, uylar bozor narxlaridan past bahoda narxlanmoqda. Mustaqil baholovchilarning baholashiga imkon berilmayapti. Ayrim uylar esa haligacha baholanmagan.
Vaziyat noaniq bir holatda xonadon egalari gaz, suv, elektrdan uzilishi haqida ogohlantirilgan.
Kelesliklar uylari hokimdan adolat qilishni, uylarini bozor narxida baholashlarini talab qilmoqda.
“Uylarimizni bozor bahosida sotib olishga pullari yetmasa, unda buzishmasin!”, demoqda ular.
Izoh (0)