27-iyun — Matbuot va ommaviy axborot vositalari xodimlari kuni munosabati bilan Buxoro viloyati hokimi tomonidan tantanaga kelgan 300 jurnalistning har biriga esdalik sovg‘a sifatida zamonaviy qo‘l telefonlari berildi.
Buxoro viloyati hokimi O‘ktam Barnoyev tabrik so‘zida radio-televideniye, bosma nashrlardan tashqari, ijtimoiy saytlarda faoliyat yuritayotgan jurnalistlar zahmati bilan viloyatda amalga oshirilayotgan islohot va yangilanishlardan aholi o‘z vaqtida muntazam xabardor bo‘lib borayotgani, ularning ijtimoiy muammolarni hal etishda jonbozlik ko‘rsatib kelayotganini alohida ta’kidladi.
Buxoro shahridagi “Rudi Zar” mehmonxonasida bo‘lib o‘tgan ushbu tantanada milliy jurnalistika sohasini rivojlantirishga katta hissa qo‘shgan, mamlakat va jamiyat taraqqiyoti yo‘lida fidoiylik ko‘rsatib kelayotgan bir guruh ommaviy axborot vositalari xodimlari hamda ijodiy jamoalar vakillari ishtirok etdi.
— 20 ga yaqin jurnalistlar Xalq deputatlari Buxoro viloyati Kengashi tomonidan taqdirlandi. Bundan tashqari, viloyat teleradiokompaniyasi va “Buxoronoma” gazetalari tahririyatlariga kompyuterlar jamlanmasi, har bir ijodiy xodimga planshetlar topshirildi. Tuman, shahar hokimliklari muassisligidagi nashrlar ham zamonaviy texnik vositalarga ega bo‘lishdi. Xususiy OAV xodimlari ham e’tibordan chetda qolmadi, — dedi viloyat hokimi hokimligi matbuot xizmati rahbari Olim Jo‘rayev.
Tadbirda “Daryo”ning Buxoro viloyatidagi muxbiri Laylo Hayitova ham taqdirlandi.
Izoh (0)