Dunyoning eng boy odamlari xush ko‘rgan taomlar?

Iyunning boshida Telegram asoschisi Pavel Durov butunlay ovqat yemay qo‘ygani ma’lum bo‘ldi. Bungacha esa tadbirkor faqat baliq bilan oziqlanayotgan edi. Quyida esa dunyoning eng boy odamlari nima bilan oziqlanishi haqida ma’lumot berilgan, deya yozadi Spot.

Richard Brenson (4,1 milliard dollar)

Virgin Group asoschisi kuniga 20 chashka choy ichadi. Tadbirkor o‘z hayotini inglizcha nonushtasiz tasavvur qilolmaydi.

Brenson o‘zining shaxsiy orolida yashaydi. Milliarder kunini jismoniy mashqlar bilan, oilasi bilan va ish uchrashuvlari bilan o‘tkazadi, Uchrashuvlarni esa kayfiyatni ko‘tarish uchun tushlik vaqtiga mo‘ljallaydi. Kechki ovqatni esa odamlar davrasida qilishni yoqtiradi, chunki bu unga yangi g‘oyalar baxsh etadi.

Jeff Bezos (131 milliard dollar)

Amazon asoschisi o‘z kunini soat 10 dan erta boshlamaydi. Nonushtaga yog‘li yarimtayyor mahsulotlardan holi mehr bilan pishirilgan yeguliklarni xohlaydi. Umuman olganda, Bezos o‘zini sog‘lom ovqatlanish tarafdori hisoblaydi.

Bill Geyts (96,5 milliard dollar)

Microsoft asoschisi esa sog‘lom ovqatlar muxlisi emas. U 3—4 banka diyetik Cola ichadi. Shuningdek, Geyts chizburgerni sevishi hech kimga sir emas. Shu darajada yaxshi ko‘radiki, u ish yuzasidan uchrashuvlarni ba’zilarini fast-fud bilan o‘tkazadi.

Stiv Jobs

Apple asoschisi haftalab faqat sabzi va olma yeb yashashi mumkin, ba’zan esa faqat meva, sabzavot, yong‘oq, sedana qo‘shilgan ovqat yegan. Jobs ko‘p holatlarda eyforiya va ekstaza hissini tuyish uchun butun kun bo‘yi  ovqatlanmay ham yurgan.

Ilon Mask (22,3 milliard dollar)

Tesla va SpaceX bosh direktori nonushta qilishni yoqtirmaydi, lekin ertalabdan Mars batonchigini yeyishi mumkin. Tushlikka ham u darajada katta e’tibor bermaydi va unga nima kelitrishsa ham 5 daqiqada yeb oladi. Maskni faqatgina kechki ovqat qiziqtirishi mumkin, chunki u bu payt ish bo‘yicha muzokaralar o‘tkazadi. Fransuz taomlarini xush ko‘radi.

Mark Sukerberg (62,3 milliard dollar)

Facebook asoschilaridan biri ovqatga xuddi kiyim-kechaklarga bo‘lgani kabi befarq. Sukerberg qo‘liga nima tushsa shu bilan nonushta qiladi. “Mayda qarorlar uchun vaqt ketkazishni xohlamayman”, — deydi u ovqat tanlashga kelganda.

Lekin bu Sukerberg yovvoyi diyetalarni eksperiement qilganini yashira olmaydi. 2011-yil Facebook bosh direktori o‘z ustida eksperiment o‘tkazgan — u faqat o‘zi o‘ldirgan hayvonlarning go‘shtini yegan.

Jek Dorsi (5,1 milliard)

Twitter asoschisi dushanbadan payshanbagacha kuniga bir mahal ovqatlanadi (kechalari), dam olish kunlari esa umuman ovqatlanmaydi. Dorsining so‘zlariga ko‘ra, bunday diyetaning dastlabki kunlari u gallyutsinatsiyani boshdan kechirgan, keyin esa bunga ko‘nikkan va xuddi vaqt sekinlashgandek his qila boshlagan.