Samarqand shahri xavfsizligini ta’minlash bo‘yicha mashg‘ulot o‘tkazildi

Samarqand shahri xavfsizligini ta’minlash bo‘yicha maxsus taktik mashg‘ulot o‘tkazildi. Bu haqda viloyat IIB matbuot xizmati rahbari Shirin Normatova “Daryo”ga ma’lum qildi.

Mashg‘ulotlar davomida olib qochilgan transport vositasini qidirish, o‘ta xavfli, qurollangan jinoyatchilarni qidirish, aniqlash va ularning jinoiy harakatlarini to‘sish, o‘ta xavfli jinoyatchilarni qurolsizlantirish va ushlash uchun zarur shart-sharoit yaratish, ommaviy tartibsizliklarni bartaraf etish bo‘yicha amaliy mashqlar o‘tkazildi.

Mashg‘ulotga Ichki ishlar idoralari, Milliy gvardiya, Markaziy harbiy okrugi bo‘linmalari, Davlat xavfsizlik xizmati, Prokuratura, Favqulodda vaziyatlar boshqarmasi, Yong‘in xavfsizligi xizmati, Chegara qo‘shinlari, Bojxona boshqarmasi, Samarqad shahar Hokimiyat vakillari va jamoatchilik vakillari hamda sog‘liqni saqlash xizmati jalb etilgan.