Internetda o‘smir yigitning Nukus markazidagi O‘zbekiston va Qoraqalpog‘iston davlat bayroqlari oldida yechinib, ich kiyimda o‘zini ko‘z-ko‘z qilib yugurib chiqqani tasvirlangan video tarqaldi.
“Kruz.uz”ning yozishicha, voqea 9-may kuni 21:30 lar atrofida yuz bergan. Bu paytda maydonda bir qancha odam bo‘lgan.
Ma’lum bo‘lishicha, jamoat joylarda yurish-turish qoidasini qasddan mensimasdan yechingan holda videoga tushib, uni ijtimoiy tarmoqlarga joylagan yigitlar 1998-yilda tug‘ilgan S.B., 2000-yilda tug‘ilgan N.U. va O‘.A. bo‘lgan.
Ma’muriy javobgarlik to‘g‘risidagi kodeksning 183-moddasini (mayda bezorilik) qo‘pol ravishda buzganligi uchun yigitlarning har biriga 15 sutka ma’muriy qamoq jazosi tayinlangan.
Izoh (0)