Fransiya politsiyasi 11 tonna marixuanani musodara qildi. Oxirgi bor bunchalik katta ko‘lamdagi narkotiklar mamlakatda 2004-yili to‘xtatib qolingandi, deya xabar beradi “Korrespondent.net”.
Narkotiklar 10-may kuni Fransiya sharqidagi Du departamentidan o‘tgan avtotrassada qo‘lga tushirildi. Ularni tashish uchun bir necha avtomobil, jumladan, yuk mashinasi safarbar etilgandi.
Operatsiya muvaffaqiyatli o‘tishini ta’minlagan tekshiruv 2017-yilda boshlangan va Marokash, Ispaniya hamda Belgiya huquq-tartibot idoralari bilan hamkorlikda olib borilgan.
Politsiyachilar 4 nafar gumonlanuvchi, jumladan, Italiya fuqarosini qo‘lga oldi.
Izoh (0)