UEFA tashkiloti Yevropa Chempionlar Ligasi yarim finali javob uchrashuvlari yakuniga ko‘ra haftaning eng yaxshi o‘yinchisini ma’lum qildi.
Ushbu nomga “Tottenhem” yarim himoyachisi Lukas Moura loyiq deb topildi. Eslatib o‘tamiz, u “Ayaks”ga qarshi kechgan javob o‘yinida het-trikka erishgandi (3:2).
Moura bu yo‘lda jamoadoshi Mussa Sissoko, “Liverpul” yarim himoyachisi Jorjinyo Veynaldum hamda himoyachi Trent-Aleksandr Arnoldni ortda qoldirdi.
Mazkur nomga da’vogarlik qilgan futbolchilar ro‘yxati:
- Lukas Moura (“Tottenhem”) — 3 ta gol
- Mussa Sissoko (“Tottenhem”) — 84 % aniq pas
- Jorjinyo Veynaldum (“Liverpul”) — 2 ta gol
- Trent Aleksandr-Arnold (“Liverpul”) — golli uzatma
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)