O‘zbekistonning Birinchi Prezidenti Islom Karimovning maqbarasini ziyorat qilish uchun viloyatlar va xorijiy mamlakatlardan har kuni minglab odamlar keladi. Ayniqsa maqbara 9-may Xotira va qadrlash kuni arafasida odamlar bilan gavjum. Buni Karimov fondi tomonidan taqdim etilgan videoda ko‘rish mumkin.
“Qashqadaryodan kursdoshlarim bilan Samarqand shahrini aylanish uchun kelganmiz. Ziyoratni O‘zbekistonning Birinchi Prezidenti Islom Karimov maqbarasidan boshladik. Yuragim to‘lqinlanib ketdi. Birinchi Prezidentimizni esladim”, — deydi qashqadaryolik ziyoratchi Dilnoza Xolmurodova.
“Biz Navoiy viloyati Karmana tumanidan keldik. Birinchi Prezidentimiz Islom Karimov qabrini ziyorat qildik. Boshimiz osmonga yetdi. Birinchi Prezidentimiz O‘zbekistonni judayam obod qildilar. Ayniqsa, yoshlarga va tadbirkorlarga katta imkoniyatlar yaratib berdilar”, — deydi Navoiy viloyatidan kelgan ziyoratchi.
Izoh (0)