Xotira va qadrlash kuni munosabati bilan Toshkentdagi “Humo Arena” muz saroyi oldida harbiy texnikalar namoyishi va bayram sayli bo‘lib o‘tmoqda. Bu haqda O‘zA xabar bermoqda.
Mudofaa vazirligi tomonidan tashkil etilgan tadbirda askar va serjantlar harbiy texnika va qurol-aslahalar, himoya vositalari, qidiruv-qutqaruv anjomlari xususida ma’lumot bermoqda.
Bayram saylida Qurolli Kuchlar Markaziy ashula va raqs ansambli hamda harbiy orkestr tomonidan Ikkinchi jahon urushi yillaridagi va zamonaviy qo‘shiqlardan iborat konsert ham namoyish etilmoqda.
Izoh (0)