3-may, juma kuni futbol bo‘yicha Angliya Premyer ligasining 37-turiga start berildi.
Turning dastlabki bahsida “Everton” o‘z maydonida “Byornli”ni qabul qildi.
Uchrashuvning 17-daqiqasida mehmon jamoa a’zosi Ben Mi o‘z darvozasiga gol urib qo‘ygan bo‘lsa, oradan 3 daqiqa o‘tib “Everton” himoyachisi Shimus Koulmen hisobni 2:0 ko‘rinishiga olib keldi.
Shu tariqa “Everton” o‘z uyida “Byornli”ni yengdi va 3 ochkoga ega bo‘ldi.
4-may, shanba kuni avvalgi turda “Vest Hem”ga mag‘lub bo‘lgan (0:1) Londonning “Tottenhem” klubi “Bornmut” maydoniga safar qiladi. Uchrashuv Toshkent vaqti bilan soat 16:30 da boshlanadi. Ma’lumot uchun, “shporlar” 70 ochko to‘plagan holda musobaqa jadvalida 3-o‘rinda bormoqda.
Shu kuni Yurgen Klopp qo‘l ostidagi “Liverpul” jamoasi “Nyukasl”ga qarshi maydonga tushadi. Bellashuv soat 23:45 da start oladi. Ta’kidlash joiz, mersisaydliklar 36-turda “Haddersfild” darvozasiga javobsiz 5 ta to‘p kiritgandi (5:0).
5-may, yakshanba kuni musobaqa jadvalida 4-pog‘onani egallab turgan Londonning “Chelsi” klubi “Stemford Brij”da “Uotford”ni sinovdan o‘tkazadi. Eslatib o‘tamiz, “aristokratlar” oxirgi turda “Manchester Yunayted” bilan 1:1 hisobida durang o‘ynagandi.
Ole-Gunnar Sulsher boshliq “Manchester Yunayted” klubi safarda “Haddersfild”ga qarshi maydonga tushadi. Ikkala Uchrashuvga ham soat 18:00 da start beriladi. Ma’lumot uchun, “qizil iblislar” 65 ochko bilan musobaqa jadvalida 6-o‘rinda bormoqda.
Kunning so‘nggi o‘yinida Londonning “Arsenal” klubi o‘z uyida “Brayton” bilan o‘ynaydi. O‘yin soat 20:30 da boshlanishi belgilangan.
6-may, dushanba kuni musobaqa jadvalida yetakchilik qilayotgan “Manchester Siti” jamoasi “Ittihod” stadionida “Lester” bilan bahsga kirishadi. Bellashuv soat 00:00 da boshlanadi. Qayd etish joiz, “mankunianlar” avvalgi turda Serxio Agueroning urgan goli evaziga “Byornli” ustidan g‘alaba qozongandi (1:0).
APL
37-tur bahslari
3-may, juma
“Everton”—“Byornli” 2:0
Gollar: 1:0 — 17, avtogol, Ben Mi, 2:0 — 20 Koulmen4-may, shanba
“Bornmut”—“Tottenhem” 16:30
“Vulverhempton”—“Fulhem” 19:00
“Vest Hem”—“Sauthempton” 19:00
“Kardiff Siti”—“Kristal Pelas” 21:30
“Nyukasl”—“Liverpul” 23:45
5-may, yakshanba“Chelsi”—“Uotford” 18:00
“Haddersfild”—“Manchester Yunayted” 18:00
“Arsenal”—“Brayton” 20:30
6-may, dushanba“Manchester Siti”—“Lester” 00:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)