Xotira va qadrlash kuni bayrami munosabati bilan dam olish kunlari ko‘chirilishi mumkinligi haqidagi savol ko‘pchilikni qiziqtirgani sababli, huquqshunos Xushnudbek Xudoyberdiyev bu masalaga aniqlik kiritdi.
May oyida dam olish kunlari bo‘yicha hech qanday o‘ziga xoslik yo‘q. Haftasiga besh kun ishlaydiganlar odatdagidek shanba-yakshanba kunlari, olti kun ishlaydiganlar esa yakshanba kuni dam oladi.
Faqat 9-may, payshanba kuni butun O‘zbekiston uchun ishlanmaydigan bayram kuni bo‘ladi. 9-may arafasida 8 yoki 10-may ko‘chirilmaydi. Odatdagidek, ish kuni bo‘ladi.
Demak, may oyida:
- 5 kunlik ish haftasidagi xodimlar jami 9 kun (4—5, 9, 11—12, 18—19, 25—26-may);
- 6 kunlik ish haftasidagi xodimlar jami 5 kun (5, 9, 12, 19, 26-may) dam oladi.
Izoh (0)